返回列表 新主題
https://hk.finance.appledaily.co ... e/20180906/58652220
蘋果日報,6/9/2018

「世界大咗」,不一定像黃子華廣告所言,「存在感大咗,連遺憾都少咗。」對於明日(7號)收市後正式被踢出藍籌股的東亞銀行(023)及舵手李國寶而言,「大與細」,呢一刻或許有更深刻的體會。

上世紀初到30年代,由家族控股的華資銀行或銀號相繼誕生,曾是金融市場的中流砥柱,為香港經濟發展寫下貢獻,「廣東幫」賓架時勢造英雄,獨領風騷,但一回首已是百年身。有資深銀行家及分析員總結,時代改變了市場規模「大咗」,新經濟冒起挑戰舊板塊,加上內地市場拖累令業務失色,以往的華資龍頭行如東亞,「自然慢慢變成細咗」。

併購潮亦令銀行資本多元化,好難再用昔日純家族控股的華資行概念,界定今日港銀佈局。但證券界相信,失了藍籌不等於失了天地,東亞市值龐大加上李家光環護佑,被敵意併購的機會仍然甚低。

見證不少本地華資行放盤易主的資深銀行分析員、海通國際股票研究執行董事陳昔典亦難免唏噓:「對家族銀行的確係有種情意結,作為唯一藍籌家族銀行股,東亞被剔出成份股,某一程度係幾可惜的結果。」

東亞「失藍」,他指多少與本身表現有關,近年因內地宏調影響,中國業務失色,前年更錄得虧損,但瓻公司換馬,亦反映成份股組合要更加突顯新經濟在中港市場的動力,「從排位上佢唔係(成份股)最低,有啲地產股市值比東亞仲少。」不過屬舊電池的金融成份股在瓻佔比已很大,有銀行、保險及券商,「故惟有剔出東亞」。

以「志同道合」之意命名、成立逾40年的香港金融業志同會(前身香港銀行同業志同會),是上世紀華人賓架及華資行老板發起,聯誼交流及幕後游說發功的一個同業組織。會長吳連烽指,「離開成份股唔等於間公司有問題...只係時代唔同咗,上市公司都二千幾間,各種資本的機構喺香港上市,尤其金融機構規模越來越大,東亞喺咁樣的銀行整合入面,係其中一間以前帶領的華資行代表,而家慢慢規模上變成好似細咗。」

隨著銀行併購迭起,資本成份多元化,「好多間華資行角色變咗,好似永亨呀(現稱華僑永亨)、永隆呀或早期的琤矷]011)...華資行呢個概念亦唔同咗,變成好難再純粹由香港家族控股稱呼...呢個係自然規律,最重要喺佢的根(營運主力)仲喺香港。」

東亞是現時少數由家族管理的上市銀行,近年該行常被對沖基金施壓狙擊,「失藍」後下一步會否「失勢」?陳昔典認為,基金叫陣多屬短線行為,策略是誘發買家出手,「唔係自己出錢去收購」;東亞市值龐大,市場潛在的買家現已越來越少,加上人民幣走弱,內地未必鼓勵金融機構走出去大動作併購,故「東亞被收購的機會仍然會低」。東亞目前市值超過800億元。

立足本港百年的東亞,有家族光環照耀,他說「李家喺香港同內地的影響力從無變過,人脈網絡唔會因為剔出成份股而改變。」中國業務雖困難重重,但只要改變營運模式繼續發展,仍具效益,「以往10年8年單打獨鬥,今後要同內地科網巨企合作。」
======================================================================================
東亞告別藍籌
結束咗一個時代



忠告:唔好單獨同南亞人搭Lift

返回列表