返回列表 新主題
發貼日期及時間:6/4/2020 1729

由於呢篇文係公開性質,唔洗權限都可以睇,希望前同事睇完呢篇文,可以自我思考一下

家健:

呢次係我第一次寫文俾你,但無你既聯絡方法,惟有用呢個渠道話聲你知,希望他朝好相見!

我同你曾經有緣做過一場同事,其實你做嘢果度可以接受,多數只返四個鐘都算稱職,總之我既主觀睇法係你係一個可以主動做嘢,樣樣嘢有交待既人,但近期關於你既一啲原因而辭職令我真係百思不得其解,與其係用批評、失望呢啲說話,更想用關心角度去關心而家既你!

我本身算係過來人,曾經有過類似既經歷,做咗一排無業遊人自己食自己,但如果要做個成熟既人,呢種辭職做法喺一生人之中唔可以貿然咁做,我反省咗之後,而家呢份工算係好,會珍惜而家呢個機會,今次你有諗定無諗都好,喺我角度嚟講用呢種辭職做法,對你嚟梗既前途會有影響,亦會影響下一家請你做嘢既機會,尤其係而家非常時期,比起之前更加難搵嘢做!

做同事既唔怕講埋俾你知,我擔心你多過同樣辭職既子灝,子灝本身係聰明人,又係一個勤奮員工,只要俾機會佢跟住學第二啲嘢,會係其中一個可以長期做既員工,呢點老闆蔡生佢地好清楚,就算子灝同你一樣辭職(唔理子灝因咩事辭職),以子灝條件嚟講,應該會好啲,信好快有下一家請佢,但你因咩辭職而之後條路點行,只有你自己最清楚,我今次想他朝好相見,都係等你自己諗一諗呢個問題啦!

最後想講,呢個世界係無得返轉頭,只能夠向前望,今日你已經係一個前同事,依然希望你可以活得更好,而家呢個非常時期,我想你真心諗一諗今次點解我會專登話聲你知,你咁大個人,慢慢諗啦!

一個有緣同你一齊做嘢既前同事
安仔
6/4/2020



返回列表