返回列表 新主題
聽晚同埋後晚,係今屆歐聯分組賽終極一戰,睇返8組形勢,A、B、C、D及F組頭兩名肯定出線,跟住G組巴塞及H組曼聯都係肯定出線,今次我所講既,係有爭取衛冕 - 車仔既E組

呢一組踢終極一戰前,先講講形勢先,薩克達肯定出線,只係佢地想首名出線定次名出線(假設佢地輸車仔贏同分,兩軍總比數打和但佢地作客入球較多下肯定壓過車仔);祖雲達斯緊隨其後,9分排第2,只要唔輸都可以出線啦;相對地爭取衛冕既車路士真係非常被動,祖記要輸佢要贏先得,但係近排車仔換左賓蛇做車主後,做出黎個績使人信心減半,可幸佢既對手只係同組最弱既洛斯查蘭特,咁都唔贏,肯定被人搞到無面

車路士真係要自求多福,我建議去到咁既地步,轉戰歐霸既話,求其出副選盡早畢業,再用同一批副選踢國內盃賽,集中火力保到四既話,都已經算係咁啦

歐聯.jpg
2012-12-3 16:50



忠告:唔好單獨同南亞人搭Lift

返回列表