返回列表 新主題
發表日期及時間:3/7/2019 0604

首先伊安要向各位巴打講聲對唔住先,原本諗住七月二就寫呢篇公開文,去抒發近期接二連三有同路人離世之事所帶嚟既心痛、難過,不過伊安需要喺收工後去一去金鐘連儂牆表達返自己心意,需要行出嚟用文字勉勵同路人永不會獨行,跟住返到屋企上社交網站,都係講返同一句永不會獨行,盡量喺自己能力範圍內做得幾多得幾多

近一個月,三條年輕人人命命喪極權之手,今時今日林鄭政府唔單止繼續故我,繼續以原班人馬管治香港,而且以妄顧法治、搞亂秩序之名義肆意抨擊年輕人,或者有巴打引用返前財政司司長曾俊華喺二零一七年初講咗林鄭係「撕裂二點零」,無錯,而家既香港就係在於林鄭政府對呢三條年輕人人命既睇法及價值,而繼續作出各種各樣令年輕人反感之事,使到年輕人要背水一戰,要去立法會會議廳噴低種種訴求,伊安相信各位巴打好清楚,呢個係一個撕裂社會,到底係邊個搞到咁大撕裂,心中有數啦

二零一四年既伊安參加過雨傘革命反對假普選,事隔五年既伊安本來持觀望態度去睇呢條《逃犯條例》修訂,可惜呢個林鄭政府一而再再而三唔肯就自己推動政策上既不足,而作出令香港人信服既承擔舉措,近期香港人睇到既,只係林鄭月娥喺記者會上做公關騷扮道歉,但同時間無講撒回呢條具爭議性既修訂,至今亦無打算成立獨立調查委員會去查返六一二事件,加埋至今包括張建宗在內既問責官員無一下台,逼使伊安必須重返自己政治專欄,再一次表態反政府

縱使伊安對三個同路人完全唔識。但呢三條人命意願都係反惡法,同伊安政治諗法同路,既然同坐一條船,無理由睇住政府、保皇黨及權貴不斷將年輕人漠視、藐視及仇視,用各種各樣既做法,包括用非正當手段,維持所謂現有管治模式,去掩飾政府一手造成既錯誤,伊安一個人能力有限,都要緊記一件事,勿辜負三命之意願,否則將被世人鄙視,遺臭萬年

自尊呢樣嘢,面係人地俾架係自己丟,如果伊安連設身處地諗諗三個同路人都無諗,跟住亂咁批評年輕人係社會敗類,伊安相信咁既人係丟晒香港人既架,唔配做香港人

呢三命意願雖然對一部份人嚟講無咩大不了,但伊安睇法係呢三個已離世既同路人,佢地有佢地各自既故事,各自既遭遇,到香港人知道佢地離世先知道佢地心中意願,係太遲,既然呢一刻已知道佢地共同意願,做得幾多得幾多,令佢地安息最基本方法,就係勿辜負三命意願,要勉勵同路人永不會獨行,就係咁簡單

一年後,兩年後,十年後,甚至去到二零四七,可能我地呢一代香港人都無法完全阻止晒一切極權舉措,但至少無悔,記住,勿辜負三命意願



返回列表