返回列表 新主題
本帖最後由 伊安 於 2013-3-11 11:50 編輯



「戲如人生,人生如戲」就係今次田心隆亨邨補選之結,但係呢場戲真係使到伊安真係唔識笑,只有憤怒,伊安相信各位巴打都身同感受

呢場戲由2011年區議會田心隆亨邨選區講起,潘國山「打籠通」俾當時有志參加區議會(第二)立法會選舉,亦即係超級議席既劉江華,結果劉江華贏對手過千票,做田心隆亨邨區議員;事隔約9個月,劉江華既立法會選舉失利,帶來左另外3個月既低潮時期,跟住係12月底,劉江華就升官發財,做政制及內地事務局副局長,原本個區議員就要辭職懸空

2013年初,前線既林匡正參選,仲有民主黨既丁士元、獨立候選人蘇佩琳,加埋公民力量搵返潘國山參選,共4個候選人去爭劉江華個位

經過約1個月既拉票期,臨近投票日開始,公民力量就使橫手(假告急、出口術等乜都做齊)保潘國山,結果係,佢地唔單止保到潘國山,而且仲要大炒其他對手至少1,700票,但伊安對呢個結果既感覺係,應該紅潘國山出場,因為佢打茅波,當然人民力量唔係輸唔起,若然潘國山無使橫手,起碼伊安同人民力量仲會尊重佢,覺得佢係贏得光榮磊落,不過現實一定係現實,保皇黨唔出茅招,就唔係保皇黨作風

呢場戲完左,呢場戲係使到伊安真係唔識笑,只有憤怒,只因潘國山唔係靠實力取勝,唔係贏得光榮磊落,伊安而家真係食唔安訓唔著,各位巴打如果想安慰下伊安,可以搵伊安,伊安謹此感謝



返回列表