返回列表 新主題
前觀塘區議會坪石區議員陳百里升官發財,加入政府做商務及經濟發展局政治助理,搞到坪石選區需要浪費公帑補選。坊間就盛傳立法會議員陳鑑林想保住個議席,打算派兒子陳俊傑出選。有網民收到風後,就推舉去年以人民力量旗號出選立法會九龍東直選嘅黃洋達,同陳俊傑對決,相信場選戰好大機會擦出火花。



坪石選區泛民未贏過陳俊傑修讀工商管理課程,之後就幫陳百里做區議員助理,都做咗兩、三年,坊間就盛傳佢將會接替陳百里,參加坪石選區補選。
陳鑑林前日就話,派邊個出選仲未有定案,但亦都冇否定阿仔參選呢個傳聞。而且眾所周知,陳鑑林盤據坪石好多年,喺○七年換屆選舉成功讓位畀陳百里,依家再將議席過番畀自己個仔,睇嚟贏面都唔細。
不過,班網民就話,黃洋達喺坪石長大,對呢區好了解,有一定根基,所以佢挑戰陳俊傑都未嘗不可。
亦有地區人士分析,陳鑑林喺坪石有好多鐵票,過去未試過有泛民人士贏過,就算好似之前喺沙田區議會田心補選中批評對手對選民「用完即棄」,但相信作用不大,而且輸得更慘烈。



返回列表