返回列表 新主題


呢個周末,各大主要聯賽要讓路俾國際賽,各個國家為左羅2014世界盃決賽週入場券,誓必打到你死我活,今次伊安閱波室係講雙圭戰

黎梗香港時間呢個禮拜六早上,烏拉圭同巴拉圭係世界盃南美洲區外圍賽度碰頭;首先要講講晉級形勢,而家世界盃南美洲區外圍賽已經打左9場(哥倫比亞踢左8場),即係踢左一半左右,講雙圭,烏拉圭有12分排第5,巴拉圭排第尾得7分,雙方有5分差距,對上一循環比賽係2011年尾,巴拉圭主場1:1和左烏拉圭

烏拉圭係鬥巴拉圭往績上贏29場輸25場,另和16場,而近10年績都係烏拉圭佔優,贏4場輸2場,另和1場,其中係2011贏美洲國家盃果場決賽淨勝巴拉圭3蛋成為代表作,可見烏拉圭整體上食得住巴拉圭

伊安係呢場波同2011美洲國家盃果場決賽一樣選擇,都係揀烏拉圭,原因上文講左d,而家講埋烏拉圭係攻守兼備,係世界球壇上數一數二既強隊,巴拉圭就只能以「再見只能回味」黎形容,以往硬淨防守係而家既巴拉圭完全搵唔到,係巴拉圭而家仲係排第尾既致命傷,所踢9場波有8場係有失波,正路睇係烏拉圭可贏,爭在贏多定贏少;蘇亞雷斯,拜託晒,係呢場波入多d波



返回列表