返回列表 新主題


今次伊安論人.事所講既題目,係有別於一般,因為呢個題目涉及伊安身邊人仲係唔係繼續撐人民力量;各位巴打睇完呢篇文後,若然唔撐人民力量既話,可以係FB「掃走」伊安,或者用一切辦法同伊安保持距離,伊安都無任歡迎,伊安唔會同一班卅一個唔同路既人做朋友,係FB黎講,多多少少既朋友對伊安黎講係唔重要,最重要既就係伊安只會搵同路人做FB既朋友

經過人網執笠風波,期間伊安以身作則避談,俾一班當事人自己解決問題,聽埋25/03/2013既毓民踩場後,伊安絕對同意毓民講法及處理方式,繼續撐毓民,「謠言止於智者」呢6個字,絕對可以用係呢件事度處理,謠言傳落去都係謠言,唯一辦法係要冷處理(雖則有巴打認為唔同意咁做),以毓民多年係傳媒界立足既地位,呢一著必然係好使好用,各位巴打若然遇到同樣事件,用冷處理最岩

而家黎講,至少輸左人網(補:之後4月開始,人網會播每個禮拜播15個鐘),但係若然輸埋毓民同人民力量落去,所有香港人包括伊安都係輸家,輸晒成個香港,上邊同陸捌玖等人就會熱烈地彈琴熱烈地唱......各位巴打,伊安想講,香港無毓民,一早有廿三條,保皇偽民都係唔可信,隨時炒埋一碟,齊齊聽西環講野,您地係咪受得起呢個非常嚴重後果先,伊安希望您地班人鬧完(事實上已經鬧左5、6日)後,應該收手,重新撐起人民力量,撐返毓民,否則又係無朋友做,伊安絕對唔稀罕唔撐毓民同人力既巴打,伊安而家立場都係撐人力撐毓民,以後包括伊安自己在內,好自為之



同樣撐毓民

TOP

同樣撐毓民
tiffany 發表於 1-4-2013 17:59

同感
今晚照聽毓民

TOP

返回列表