返回列表 新主題
本帖最後由 yinghey 於 2017-3-5 00:03 編輯

牙癢癢,都好耐冇分享過一啲經歷。

舊年因為出於好奇,查遍全港自殺案件既資料,整理資料後總結出一些心得。當然,從迷信角度講,有d時候就好似整定咁,總係搞到大家都唔安寧。踏入2017年初,其實都不斷咁發生呢d悲劇,但我已經唔再紀錄落去,因為2016年開始做紀錄既4個月裡,都發生過好幾單怪事,好明顯係我多事。

時間大約係10月至11月期間,有幾回經歷都係於家中發生。其中有一次係10月尾差唔多到凌晨零時,我同往時一樣係房間正整理緊當日所做既自殺新聞紀錄,忽然覺得身後陣陣涼,一望先知原來背住我對出既位置,正企左一個男人,佢乜都無講,只係望住我。最初我都嚇左嚇,但好快就定過神,而且心裡面同佢講,我只係個普通人,我咩都幫你唔到,你都係走啦。之後我就無再理佢繼續做野,而陣涼意無幾耐就消失左。

之後又發生一次,呢次係我查緊通勝時遇上架。其實坊間有流傳過一樣野,就話夜晚唔好查通勝,有可能會招邪。其實呢個係天大既誤會,通勝d字咁細,以前燈火唔係太好時,睇盲對眼啦,所以整個怪傳說出黎嚇人。當然,我撞到老友記就一定同本通勝無關,而係我為乜要查本通勝而引起老友記注意。當晚係查到有d日子同星系之間既關係,又係咁既情況,今次遇到一男一女,佢地又係企係我後面,但今次我感覺到佢地係想講野,奈何好似有股力量係封住佢地把口唔准講。於是我意會到佢地既死可能係同冤親債主有關,於是我都係同樣態度同佢地講,我只係個普通人,唔會幫到佢地,之後佢地就憑空消失。

11月中,有一回又是大半夜,差不多睡了,於是收拾一下。期間,房門外聽見一些怪聲音,好像有些東西在拖行著。由於我關了房門,於是我停下來細聽聲音的來源。唔知係咪錯覺,聲音是房門對出,而非家大門而來。似乎是鐵鍊在地上拖行,並係房門外徘徊。這段時間,我完全沒有開過房門,只係靜靜咁聽住d聲音,都等左十幾分鐘才停止。聞說鐵鍊聲係鬼差抓到的人所戴的腳鐐聲,很可能鬼差們正係附近執行公務啦。

因查自殺新聞做紀錄而遇上最後一年件怪事,係11月尾啦,其實當晚都只係睇緊書,本書同任何查案定鬼怪都無關係,但就遇上有細路仔笑聲。我起初以為係樓上樓下,或者係街上傳黎啦,於是唔係幾為意架啦。點知笑聲又黎,而且今次肯定唔係出面傳黎,正係空無一人既上格床傳出。呢次細路仔係一陣陣咁笑,笑下停下咁,維持左大約半個鐘就無左,但我就費事煩一直都無理佢。或者就係見我冇理度無癮喇就走左啦。其實呢堆事件正想告訴我,天機不可泄漏,有d野查到、有頭緒,就會有野黎試探下你,或者警告你唔好多事。亦因為經歷完2016年所發生既事,原本想繼續落去都停止左喇。



返回列表