返回列表 新主題
踢緊愛華頓既前曼聯中場舒尼達連話,前紅魔主帥雲高爾給予球員既自由度太低,乜都限死晒,搞到佢踢到好似機械人咁,冇晒信心。

27歲既舒尼達連接受法國《隊報》訪問,回憶喺紅魔既歲月,佢話:「第一年同雲高爾合作既感覺令人難受。我喺場上完全搵唔到滿足感,佢限死我,令我喺比賽得好少自由,就算我已經好有英超經驗,佢都要對我咁做。喺雲高爾麾下,我覺得自己係個機械人。佢哋會吩咐我,千祈唔好走去球場某一部份要波,千祈唔好咁做;呢啲指示困擾住我。」喺雲高爾麾下,整隊曼聯都踢到好慢,好少一腳傳波;或者舒尼達連可以解釋到呢種情況,「當球員喺比賽時,不斷諗『其實教練想我喺呢個情況度做啲咩呢?』,效率就自然下降。尤其曼聯咁大間球會,我哋所有比賽同事無大小都有傳媒報道,令到球隊好快就被批評。」舒尼達連喺2015年由修咸頓轉投曼聯,但喺今年初離開紅魔,加盟愛華頓。

來源:http://hk.apple.nextmedia.com/realtime/sports/20170410/56542706
=============================================================================
無計啦
咁既情況之下
仲唔走去第二隊咩



返回列表