|
- 論壇稱號
- 論壇人
- 暱稱
- 蠟筆伊安
- 積分
- 262041
- 人氣
- 240086 點
- 金幣
- 4262747 枚
- 推廣
- 1 次
- 註冊時間
- 2012-7-26
- 最後登入
- 2021-3-2
          
|
http://hk.apple.nextmedia.com/realtime/sports/20170522/56725068
蘋果日報，22/5/2017
車路士喺周日英超煞科戰主場5:1大勝新特蘭，以勝利送別季後離隊、效力球會22個年頭既鐵血隊長泰利。車仔上下亦好識做，首先按泰利既球衣號碼26號，喺26分鐘以加利卡希爾入替佢，場上球員即時喺場邊列隊歡送，泰利亦同在場球員逐一擁抱並接受球迷掌聲。新特蘭領隊莫耶斯喺賽後記招亦透露，佢哋有份「合謀」炮製呢個經典時刻：「當時迪亞高哥斯達想門將比克福特踢個波出界，我哋知道會發生咩事。」雖然有唔少評述員批評呢場由兩軍球員夾計、連球證都相當配合冇逼泰利盡快離場既「大龍鳳」，但英格蘭足總就話唔會展開調查。
其實完咗場就點玩都得，車路士喺接受冠軍頒發儀式後，特意將時間交畀泰利發表離隊感言，鐵血隊長亦不禁眼泛淚光：「呢個係我生命中過得最艱難既其中一日。我好榮幸可以喺職業生涯同難以置信既球員、領隊合作，感謝你哋每一位。」佢亦相當識做，先後向同樣季後離隊既教練賀蘭特、班主阿巴莫域治、家人、球迷同領隊干地致謝：「我哋全部人都需要多謝佢，阿巴莫域治。佢的確投放咗好多金錢畀球會，但佢同樣關心呢間球會，無論由U8青年軍到一隊，亦帶畀我哋呢個機會，我謹代表球員同球迷多謝你。我亦要多謝老婆同仔女，你哋帶畀我無比支持，我愛你哋。最後，你哋係世上最好既球迷，自我17歲首次為一隊上陣後就帶畀我無比支持，你哋喺我陷入低潮時給予扶持，喺我度過艱難、失望日子時繼續歌頌我既名字。感謝永遠並不足夠，但我可以同你哋講，我終有一日會回來，亦會打從心底裏繼續支持球隊。」
==========================================================================================
車路士正式踏入後泰利時代啦 |
|
